Нови напади на христијаните во Ирак

БАГДАД - Во вчерашните бомбашки и ракетни напади во Багдад, чија цел беа христијаните, загинаа најмалку три лица, а над дваесетина беа повредени, изјавија извори од ирачките безбедносни служби десет дена по дрскиот напад врз католичка катедрала при што 52 лица беа убиени. Напаѓачите за период од два часа активирале најмалку 14 бомби низ ирачкиот главен град, а минофрлачка граната падна во јужната област Доура, а сите напади, наводно, з�� цел ги имале христијаните, изјави извор од Министерството за внатрешни работи. „Овие операции, кои беа наменети за христијани, дојдоа како продолжение на нападот, чија цел беше Црквата на спасот“, изјави изворот.

Извор од ирачката полиција излезе со бројка од тројца загинати и најмалку 32 повредени во нападите. Тензиите се' повеќе се заоструваат од мартовските парламентарни избори на кои немаше убедлив победник, оставајќи ги ирачките шиитски, сунитски и курдски политички фракции да маневрираат за позиција во новата влада и зголемувајќи ги стравувањата за обновување на насилството. (Ројтерс)