Парагвај лесно со слабата Словачка

Парагвај со внимателна игра, како и во првиот меч со Италија (1:1), успеа да ја совлада Словачка со 2:0 (Веру 27 мин. и Риверос 87.) и да си ги зголеми шансите за пласман во втората фаза. Парагвај со овие три бода има вкупно четири, а во последното коло се среќава со аутсајдерот Нов Зеланд. Од друга страна, Словачка, која не покажа буквално ништо во вчерашниот натпревар, е пред елиминација, бидејќи се среќава со Италија.

Парагвај стартуваше поамбициозно, а на Словачка практично и' се одмазди претераната дефанзива. Ниту првиот гол многу не ги смени нештата на теренот. Неинтересната игра се одвиваше на средината на теренот. На крајот, од сето тоа, ќари Парагвај.