Ставрев во Велс, Мечкаровски во Молдавија
Нашите најдобри фудбалски судии, интернационалните Александар Ставрев и Димитар Мечкаровски ќе се појават повторно на европската сцена во почетокот на септември. Александар Ставрев ќе го суди мечот меѓу Велс и Азербејџан во Кардиф на 6 септември во квалификациите за светското првенство. Ќе му помагаат Марјан Кировски и Љубомир Крстевски. Четврти судија ќе биде Димитар Мечкаровски.
Три дена подоцна Димитар Мечкаровски ќе биде главен судија на квалификационата средба за Европското првенство, играчи до 21 година меѓу Молдавија и Луксембург. Ќе му помагаат Петре Кодовски и Душко Милошевски, четврти судија ќе биде Горан Спиркоски. (М.М.) |
