Вардар про ја „прегази“ Слога од Добој
Освојувачот на Купот на Македонија во ракомет и петкратен првак Вардар про славеше лесна и убедлива победа од 31:19 (15:11) на домаќинот Слога во второто коло од групата А на јубилејниот 40. ТВ-турнир на шампионите во босанскиот град Добој. По стартниот пораз од германски Нордхорн, на тимот на Веселин Вујовиќ му требаше победа во синоќешниот дуел со Иври од Франција за освојување на второто место во групата. Освен Маркоски, Алушовски, Радуловиќ и голманите, сите други играчи на „црвено-црните“ што добија шанса на оваа средба се запишаа во листата на стрелците. Слога му парираше на Вардар про само во првите 20-тина минути, по што македонскиот претставник заигра многу поангажирано и ги прокнижи првите три бода на турнирот. (Р.Д.) |