Кејт Мос

Тајно се венча во август на Сицилија

Кејт Мост, наводно, станала мажена жена, објавуваат американските медиуми. Манекенката и нејзиното момче Џејми Хинц уште на 7 август застанале пред олтар на Сицилија, во друштво на најблиските од семејството и неколку пријатели. „Беше тивко, но, сепак, многу романтично. Кејт имаше турбулентен љубовен живот, но во срцето секогаш била романтична“, изјави еден извор за „Дејли мирор“. Манекенката на венчавката, наводно, носела проѕирен бел фустан и била боса, а судбинската изрека ја кажале во малата живописна црква на италијанскиот остров.

„Кејт никогаш не се држеше многу до традицијата, но Џејми секогаш беше со неа, во добро и во лошо, така што едноставно почувствува дека дојде вистинскиот момент за вистинската одлука“, рече изворот. Ќерката на Кејт, осумгодишната Лила, родена во врската со бившото момче, манекенот Џеферсон Хак, ги носеше венчалните прстени на младоженците, а на прославата се играше под дрва. „Сето ова го планираа со месеци и затоа биле многу возбудени. Тие не сакаа традиционална свадба. Само неколку минути откако официјално ги прогласија за маж и жена излетаа од црквата и почнаа да играат“, изјави извор. Кејт неколку пати во последниве неколку месеци беше забележана со голем прстен, кој личеше на свршенички. Наводно, Џејми ја побарал за жена за време на роденденот во јануари.