Струмичанец се обидел да силува германска сликарка

11.08.2011, 13:44

Сликарка од Германија, учесничка на Струмичката ликовна колонија вчера била нападната од струмичанец кој се обидел да ја силува додека цртала.

Германската сликарка М.Д. цртала со молив на околу 160 метри од првата табла на трим патеката после Ловниот дом во Струмица кога и пришол пријавениот К.В. и со раце почнал да ја допира по телото.

28-годишната Германка пружила отпор но 52 годишниот струмичанец ја соборил на земја и продолжил да ја допира по телото, по што таа успеала да побегне и случајот да го пријави во полиција.

Против струмичанецот полицијата поднесе кривична пријава за силување.