Цивилен товарен авион се урна кај Кабул

(13.10.2010г.-09:25ч.) Цивилен товарен авион се урна вечерва во планинскиот предел во близина на Кабул. Силите на НАТО и на авганистанските безбедносни сили започнаа спасувачка операција во реонот на несреќата, на 25 до 30 километри источно од меѓународниот аеродром Кабул, каде се урна авионот малку пред 20 часот по локално време, се наведува во соопштението на меѓународните сили ИСАФ.

Според првичните информации, авионот е од типот Л-100 Херкулес, кој е цивилен двојник на воениот С-300 Херкулес. Според западните медиуми, авионот е сопственост на авганистанската авиокомпанија „Кам ер“.

Претставник на аеродромот изјави дека авионот со деветчлен екипаж полетал од американската военовоздухопловна база Баграм со товар наменет за силите на НАТО.

Засега нема информации за судбината на екипажот. Временските услови биле добри и засега причината за несреќата е се уште непозната. (МИА)