Сите астероиди кои „и' се закануваат“ на Земјата

Oколу 1.400 астероиди кои орбитираат околу Сонцето и кои би можеле да претставуваат опасност за  планетава

НАСА објави дека има околу 1.400 астероиди кои орбитираат околу Сонцето и кои би можеле да претставуваат опасност за Земјата. Иако в��зуализацијата што ја направи НАСА е навистина фасцинантна, сепак се работи за катастрофа која би можела да и' се случи на планетава.

Имено, се работи за астероиди кои се „релативно блиску“ до орбитата на нашата планета, меѓутоа кога се вели „релативно блиску“ се мисли дека тие се оддалечени околу 7,5 милиони километри од Земјата.

Овие астероиди се класифицирани во групата во која спаѓаат доволно големи небески тела кои можат да предизвикаат огромни штети ако паднат врз некој континент или огромни цунами бранови доколку паднат во некои од океаните.

За среќа, тоа се случува во просек на секои 10.000 години и од НАСА тврдат дека ни еден од овие 1.400 астероиди не претставува посериозна опасност. Барем не во наредните неколку стотици години.