Грција во фокусот на дводневен состанок на министрите за финансии на ЕУ

Министрите за финансии во Европската унија почнуваат денеска во Луксембург дводневен состанок фокусиран на финансиската ситуација во Грција, проблемите во буџетот во Шпанија и проблемите на европските банки.

Не се очекуваат одлуки или соопштенија, но аналитичари тврдат дека дискусиите ќе овозможат основа за состанокот на Европскиот совет закажан за 18 и 19 октомври во Брисел.

Се очекува денеска Европскиот стабилизациски механизам да влезе во сила со фонд од 700 милијарди вера.

Грција ќе ги продолжи преговорите со „тројката“ по состанокот на ��инистрите за финансии од еврзоната. И покрај тоа што изминатиот викенд двете страни соопштија дека има напредок во преговорите, тие најверојатно ќе траат уште најмалку две седмици.

Грчкиот премиер Андонис Самарас според најавите од Атина, се подготвува за утрешната средба со германскиот канцелар Ангела Меркел која во Атина доаѓа за првпат по 2007 година.