На Тумбе-кафе нови пронајдоци на некропола од 4 век

На една од некрополите биле пронајдени четири гроба на локацијата што се наоѓа на потегот меѓу Буковските гробишта и Зоолошката градина

Археолози од НУ Завод и музеј - Битола пронашле нови наоди на некрополата откриена на рекреативната зона на битолско Тумбе-кафе, сместена на северната страна од археолошкиот локалитет Хераклеја Линкестис. На една од некрополите што се истражуваат од 2004 година кога и биле пронајдени четири гроба на локацијата што се наоѓа на потегот меѓу Буковските гробишта и Зоолошката градина.

„Ископуваме и истражуваме на местото каде што сега се наоѓа вежбалницата. Во еден мал простор со површина од 36 квадратни метри пронајдовме 6 гроба од типот тегули имбрекси или гробови покриени со керамички плочки што датираат од крајот на 4 век, односно тоа е периодот на животот на Хераклеја во осиромашување“, посочи археологот Аница Ѓоргиевска. На античкиот локалитет неодамна беше откриен и Римски гимназион.