08.10.2012, 14:20 Испила коктел со течен азот, останала без желудник
Течниот азот, кој испарува на минус 196 Целзиусови степени, би, користен за подготовка на пијалок кој создаваал импресивен облак од пареа
За да и' се спаси животот, на една тинејџерка и' беше изваден желудникот откако испила коктел направен со течен азот.
Габи Скенлон го прославуваше нејзиниот 18 роденден во бар во Ланкастер каде што го испила пијалакот и почнала да се чувствува без здив. Таа добила силни болки во желудникот и била пренесена во болница, каде што било дијагностицирано дека има перфориран желудник. Лекарите извршиле итен хируршки зафат за да и' го отстранат желудникот и да и' го спасат животот.
Скенлон од Хејшем, Ланкашир, е во сериозна но стабилна состојба, јави полицијата. Нејзините пријатели објавија на Твитер дека им испратила пораки по извршената операција во Кралската амбуланта во Ланкастер.
„ИТВ њуз“ јави дека барот што го продал пијалакот е „Оскар’с“ во Ланкастер. Барот објави соопштение дека е „вонредно загрижен“ за тинејџерката и дека „посакува се најдобро за неа и нејзиното семејство“.
Минатиот месец барот објави на својата страница на Фејсбук фотографија на коктел што содржи течен азот, наречен „Порнстар мартини“. Барот го продава пијалакот за 8,95 фунти со шампањски истрел, и го опишува како „неверојатен“.
Полицијата соопшти дека барот ја прекинал продажбата на сите коктели со течен азот по инцидентот што се случил минатата недела.
Течниот азот, кој испарува на минус 196 Целзиусови степени, се' почесто се користи како метода за моментално замрзнување на храна и пијалаци или за создавање на импресивен облак од пареа. Но, секогаш треба да се корсити како метода за ладење на чаши или за замрзнување на состојките бидејќи може да предизвика внатрешно оштетување кога се вдишува или голта. (Дејли мејл)
|
