Локомотива се повлече од теренот во Неготино
Во 25. коло на втората фудбалска лига дојде до несакан инцидент на дуелот Вардар Декамел - Локомотива кое се одигра во Неготино. Имено, по пријава на претставникот на гостинската екипа за физички напад на двајца играчи на гостинската екипа во соблекувалните, тимот на Локомотива не истрча на теренот во второто полувреме. По првиот дел, гостинскиот тим водеше со 1:0. Инцидентот го потврди и Комесарот за натпревари Миле Спиркоски кој наведе дека гостинскиот тим по инцидентот на полувремето одбил да го доигра натпреварот.
На останатите мечеви се постигнати следните резултати: Миравци - Караорман 5:0, Металург - Охрид 3:0, Слога Југомагнат - Дрита 1:0, Беласица - Влазрими 6:0, Тетекс - Скопје 2:0, Алумина - Нов Милениум 1:0, Маџари Солидарност - Брегалница 3:0. |
