Шалке 04 на второ место
Во германската Бундеслига колото го одбележи дербито меѓу актуелниот шампион, Штутгарт и Хамбургер, во кој славеа домаќините. Единствениот погодок го постигна Хилберт во 20. минута.
Поразот на Хамбургер го искористи Шалке 04 кој славеше против слабата Ханза од Росток, и на тој начин се проби на второто место. Голот на одлука го постигна Алтинтоп во 52. минута.
Вердер победи на гостувањето во Берлин кај Херта со 2:1. Головите за гостите ги постигнаа Росенберг во 1. и Боровски во 73 минута, а стрелец за Херта беше Лима во 10. минута.
Арминија во Билефелд го совлада Карлслуе со 1:0, а победничкиот гол го постигна Кампантаис во втората минута од судиското надополнување.
Изненадувањето на колото се случи во Франкфурт каде Нирнберг го совлада Ајнтрахт со 3:1. Домашните поведоа во третата минута со голот на Финк, израмни Каристеас во 18 минута, резултат со кој се замина на полувреме. Во вториот дел, Нирнберг преку Витек во 49 и Масимовиќ во 83 минута успеа да стигне до победа која многу ќе им значи во борбата за опстанок. Инаку, во тимот на домашниот Ајнтрахт по подолга пауза се врати нашиот интернационалец Александар Васоски.
Резултати 27. коло
Штутгарт-Хамбургер 1:0, Шалке-Ханза 1:0, Арминија-Карлслуе 1:0, Херта-Вердер 1:2, Волфсбург-Хановер 3:2, Ајнтрахт-Нирнберг 1:3, Дуизбург-Котбус 1:0.
Табела Баерн 54(-1), Шалке 48, Хамбургер 47, Вердер 47, Штутгарт 45, Баер 44(-1), Волфзбург 43, Ајнтрахт 42, Карлсруе 38, Хановер 35, Бохум 33 (-1), Херта 32, Борусија (Д) 31 (-1), Котбус 26, Арминија 25, Ханза 24, Нирнберг 23 и Диузбург 22 бода. |
