Одлука
Поскапува ноќното возење во ЈСП
06.07.2011, 13:58
Ноќното возење во градските автобуси наскоро ќе поскапи, а после полноќ нема да важат ниту слободните билети. Наместо 30 денари возење во автобусите на ЈСП од полноќ до 5 часот ќе чини 40 денари. По истата цена билетот ќе се продава и во билетара.
Надлежните објаснуваат дека причината за поскапувањето и одлуката слободните карти да не важат ноќе се должи на нерентабилноста на ноќните линии.
Се очекува поскапото возење да започне од наредниот викенд до кога треба да заврши постапката за имплементација на одлуката за поскапените ноќни билети. Очекувано пак утре градскиот совет ќе даде согласност за корекцијата на цените.
| 
