Фудбал
Пандев, дефинитивно, останува во Интер
06.07.2011, 14:48
Иако се шпекулираше за некаков трансфер на Пандев, и следната сезона најдобриот македонски фудбалер ќе игра за Интер.
„Горан Пандев сто проценти останува во Интер. Неговите примања се превисоки за Наполи и Џенова, двата тима кои беа најзаинтересирани и контактираа со Интер”, изјави неговиот агент Карло Палавичино.
��е споменуваа неколку клубови како беше Баерн Минхен, Ливерпул, а се споменуваше и Малага. Но сепак, Пандев останува во Интер.
Играчите на Интер се на одмор до 10 јули, за кога е закажана првата прозивка на тимот со новиот тренер Џан Пјеро Гасперини.
Првиот официјален натпревар на Интер е закажан за 6 август, кога во Пекинг ќе се сретне со Милан во италијанскиот Суперкуп.
|
