Мартина Навратилова

Три милиони долари за молчењето на бившата девојка

Бившата тениска ѕвезда Мартина Навратилова, по двегодишно влечење по судовите, ќе и' исплати три милиони американски долари за молчење на бившата девојка, 57-годишната Тони Лејтон. Тони, која своевремено го напуштила сопругот Џефри Ламберт, сметководител на Навратилова, и' се заканувала дека ќе ја изнесе ��о јавноста сета валкана облека, а патем ја тужела за „емоционална, ментална и психичка траума која ја доживеала поради ненадејниот прекин“.

„Има многу костури во орманот на Мартина. Всушност, има и цел магацин и знам за сите нив“, изјавила уште во 2008 година Тони лута поради тоа што во јануари истата годин�� по осумгодишна врска , Навратилова ја оставила и ја исфрлила од нивниот дом на Флорида. Судската битка меѓу Навратилова и Лејтон се водила за четири куќи, неколку автомобили, колекција на уметнички дела, брод и прифатилиште за животни.

Мартина и Тони се венчале во 2000 година во Њу Хемпшир, зашто таму било дозволено склопување хомосексуални бракови, но поголемиот дел од заедничкиот живот го минале на Флорида, каде што геј-бракови не се признаваат. Бидејќи годинава Навратилова објави дека води битка со ракот на дојката, многумина сметаат дека тоа е причината што се одлучила за нагодба со Лејтон. Лекарката на Мартина вели дека закрепнувањето на тениската легенда се одвива добро.

Ова не првпат Навратилова да „плаќа сметки“ по раскинување на врската. Кога во 1991 година ја раскинала својата осумгодишна врска со Џуди Нелсон, и' исплатила 3,5 милиони американски долари. Подоцна Нелсон напишала и две книги за Навратилова.