Уставен суд: Професорите не се јавни службеници

Уставниот суд на Република Македонија на вчерашната седница донесе одлука за поништување на делови од Законот за јавни службеници, со што универзитетските професори се изземени од категорија��а јавни службеници. Уставниот суд ги поништи член 3, став 1, точките 1 и 2 во делот „образование“ од Законот за јавни службеници, донесен 2010, а дополнет во 2011 и 2012 година. Поништувањето на овие законски одредби е затоа што според Уставот, на Универзитетот му се гарантира автономија, а според Законот за високото образование е разработена автономијата на Универзитетот, па предвидувањето во Законот за јавните службеници поинаков статус на вработените во високото образование, односно третирањето како јавни службеници не е во согласност со уставно загарантираната автономија на Универзитетот. Подносител на иницијативата е Тито Беличанец.

Судот досега интервенираше во одредбите од овој Закон што се однесуваа на вработените во здравството, вработените во култура, како и вработените во јавните претпријатија основани од општините и од Градот Скопје да се сметаат за јавни службеници. (П.Р.)