Моника Белучи

Сопругот не смее да е љубоморен на моите филмски партнери

Италијанската филмска ѕвезда Моника Белучи по снимањето на филмот „Manuale d’amоre“ со Роберт де Ниро, изјавила дека нејзиниот сопруг не смее да биде љубоморен ако меѓу неа и филмскиот партнер се создаде хемија.

По филмскиот развод, Роберт де Ниро заминува во Италија, каде што ја запознава Моника Белучи и безглаво се вљубува во неа. Во една сцена дури изведува и стриптиз за да ја заведе. Сето тоа е дел од приказната на новиот филм „Упатство за љубов“.

„Роберт ме привлече на снимањето и супер се забавувавме. Ни се случи одлична хемија“ - кажала италијанската дива и ја негирала љубомората на својот сопруг и колега Винсент Касел.

„Винсент и јас имаме правило: ако поради животниот партнер посакаш да ја потиснеш хемијата што ќе се роди на филмскиот сет, тогаш подобро смени ја работата. Тука нема место за љубомора. Тој можеби завидува што глумам јас, а не тој, со голем човек и феноменален актер како што е Де Ниро“ - кажала 46- годишната ѕвезда.