"Плавушите" ќе се обединат во Софија

(18.10.2010г.-13:39Ч.) Софија ќе се поплави од блондинки во четврток поради Првиот меѓународен конгрес на русокоси. За сега најавено е присуството на околу 1.000 блондинки на четиридневниот конгрес, кои ќе дискутираат за начините на подобрување на позициите на блондинките во социјалниот, економскиот и политичкиот живот.

Како што јавува грчкиот весник "Катимерини", асоцијацијата на русокоси на Бугарија најавила дека учесничките на конгресот ќе се обидат да постават нов светски рекорд во број на русокоси собрани на едно место преку протест на софиските улици оваа сабота.

На конгресот ќе има натпревар за најпретставителна русокоса, но и награда за најпаметната. Официјалниот код за облекување на конгресот е розева блуза, бели панталони и розеви модни додатоци. Неизбежен дел од настанот ќе биде и натпревар за најдобар виц за русокоси.