„Трето полувреме“ не влезе во трката за оскар



Американската Академија вчера ги објави филмските остварувања од неанглиско говорно подрачје кои ќе се борат за оскар за „Најдобар странски филм“

Американската Академија за филмски уметности ги објави вчера деветте филмски остварувања од неанглиско говорно подрачје од кои еден ќе го понесе оскарот за „Најдобар странски филм“. На списокот не се најде македонскиот кандидат за златната статуетка „Трето полувреме“ на Дарко Митревски.

Во тесниот круг влегоа „Љубов“ (Германија, Франција, Австрија), „Кралски дела“ (Шведска) „Недопирливи“ (Франција), „Кон-тики“ (Данска, Велика Британија, Норвешка), „Воена вештерка“ (Канада), „Не“ (Чиле), „Зад ридовите“ (Романија), „Бездна“ (Исланд) и „Сестра“ (Швајцарија).

До 10 јануари ќе се изберат петте номинации за Оскар, за оваа но и за сите останати категории, а церемонијата на 85-тото доделување на наградите ќе се одржи на 24 февруари.