14.04.2012, 11:36 Бајнам предводник на Лејкерси против Денвер
Многу важна победа во битката за плеј-офот оствари Феникс, кој со 112:105 славеше среде Хјустон
Лејкерси успеаја да дојдат до уште една важна победа без Коби Брајант во тимот, а повторно нивни лидер беше Ендрју Бајнам, кој постигна 30 поени во триумфот од 103:97 над Денвер.
Со оваа победа „езерџиите“ и дефинитивно го потврдија настапот во плеј-офот. Мет Барнс изненади со најдобри за него сезонава 24 поени и 10 скокови, а По Гасол додаде 14 поени и 10 скокови.
Андре Милер со 20 поени од клупата и Арон Афлало и Ал Херингтон со по 18 поени беа најефикасни кај Нагетси, кои паднаа на осмото место на Западот.
Многу важна победа во битката за плеј-оф оствари Феникс, кој со 112:105 славеше сред Хјустон. Двете екипи се меѓу тие кои се борат за влез во разигрувањето од Западот, а Марчин Гортат и Стив Неш му дадоа нова надеж на Феникс дека може да биде дел од плеј-офот.
Полјакот средбата ја заврши со 20 поени и 15 скокови и ветеранот Неш го следеше со 18 поени и 10 асистенции, додека Џаред Дадли им беше одлична помош со 19 поени.
На другите натпревари беа постигнати следниве резултати: Торонто – Бостон 84:79, Филаделфија – Њу Џерси 89:95, Орландо – Атланта 81:109, Индијана – Кливленд 102:83, Њујорк – Вашингтон 102:83, Мајами – Шарлот 105:82, Детроит – Милвоки 93:117, Њу Орлеанс – Јута 96:85, Оклахома Сити – Сакраменто 115:89 и Портланд – Далас 94:97.
Вечерва играат: Лос Анџелес Клиперс – Голден Стејт, Вашингтон – Кливленд, Њу Џерси – Бостон, Мемфис – Јута, Минесота – Оклахома Сити, Милвоки – Индијана и Сан Антонио – Феникс.
ИСТОК: Чикаго 45-14 (победи-порази), Мајами 41-17, Индијана 37-22, Атланта 35-24, Бостон 34-25, Орландо 34-25, Њујорк 31-28, Филаделфија 31-28.
ЗАПАД: Оклахома Сити 43-16, Сан Антонио 41-16, Лос Анџелес Лејкерс 38-22, Лос Анџелес Клиперс 36-23, Мемфис 34-24, Далас 34-28, Хјустон 32-27, Денвер 32-27, Феникс 31-28.
|
