Арбен Џафери ќе биде погребан денеска во Тетово

Почесниот претседател на ДПА, Арбен Џафери, почина вчера околу 16 часот од последици на мозочниот удар што го доживеа пред една недела

Почесниот претседател на ДПА, Арбен Џафери, кој почина вчера околу 16 часот од последици од мозочниот удар што го доживеа пред една недела, ќе биде погребан денеска попладне на гробиштата во Тетово, информираа од ДПА.

Претходно во Домот на културата во Тетово ќе се одржи Комеморативната седница.

Поранешниот претседател на ДПА повеќе години се лекуваше од Паркинсоновата болест и поради здравствената состојба, по 12-годишно водење на ДПА, во 2007 година се повлече од лидерската функција, а за претседател на партијата беше избран Мендух Тачи.

Џафери е роден во Тетово на 24 јануари 1948 година. Завршил Филозофски факултет. До 1990 работел за радио и телевизиските станици во Приштина, Косово, како главен уредник на Културната програма. Беше претседател на ПДП во Македонија од 18 април 1995, а потоа лидер на Демократската партија на Албанците до 2007 годин. На вторите парламентарни избори во Македонија беше избран како независен пратеник (1994), а потоа како пратеник на ДПА.