Осло
Брејвик можеби ќе добие 30 години затвор
26.07.2011, 12:47
Норвешкото Обинителство би можело да бара Андерс Бехринг Брејвик, осомничен за двата напади во кои загинаа 76 лица, да биде обвинет за злосторства против човештвото, затоа што во таа земја максимална предвидена казна е 30 години затвор.
Тоа би значело дека Брејвик доколку биде осуден ќе добие поголема казна од 21 година колку што норвешкиот Закон предвидува за обвиненија во врска со тероризмот, а што многу Норвежани сметаат дека е недоволно за злосторството што го направи.
Обвинителот Кристијан Хатило изјави денеска за норвешкиот весник „Афтенпостен“ дека новото обвинение кое е воведено со Законот во 2008 година моментално е само можност.
- Полицијата до сега го цитираше Законот за тероризам, но барањето за други обвиненија не е исклучено, изјави портпаролот на полицијата Стурл Хенрејксб, дополнувајќи дека се уште не е донесена кончена одлука.
Во бомбашкиот напад во петокот во Осло загинаа осум лица, додека престрелките на островот Утоја неколку часа подоцна, Брејвик убил 68 луѓе.
Судијата вчера на Брејвик му одреди осумнеделен притвор од што четири недели ќе ги помине во самица.
|
