Загинаа двајца градежни работници, еден тешко повреден
26.07.2011, 13:24
Вчера во три одделни несреќи при изведување на градежни работи загинаа двајца градежни работници, а еден е тешко повреден.
43-годишниот работник Малиш М. од Кочани починал при пад од 8 метри височина додека работел на објект во кочанската населба Оризари.
Во бизарна несреќа во Тетово загина 29- годишниот Шереф И. кому додека сечел керамички плочки со флекс машина, во еден момент му се скршил каменот од машината и го пресекол работникот во пределот на вратот, нанесувајќи му длабока рана.
Смртта кај него настапила како последица на обилното крварење од пресечените главни артерии.
Тетовец кој работел на станбен објект во Скопје е тешко повреден откако па��нал од неоградена бетонска плоча од висина од 16 метри.
50-годишниот Б.А. веднаш е пренесен во Ургентниот центар-Скопје - КАРИЛ, каде дежурниот лекар констатирал тешки телесни повреди, нагмечување на мозокот и скршен прв пршлен.
Увид на местото на несреќите освен полицијата и истражен судија извршиле и трудови инспектори.
|
