Одиме на победа против Русија

(12.10.2010г.; 09.30ч.) На победа против Русија, иако ќе бидеме задоволни и со нерешен резултат. Вака размислуваат македонските репрезентативци и стручниот штаб пред вечерашниот натпревар од 4. коло во квалификациите за Европското првенство во фудбал, што во 2012 година ќе се одржи во Полска и во Украина. Нашиот ривал на мечот што на Арената „Филип Втори“ во Скопје започнува од 20.30 часот е силната селекција на Русија, која во петокот среде Даблин ја совлада Република Ирска со 3-2. Евентуална наша победа над руската репрезентација, чиј состав го предводи Андреј Аршавин, ќе значи вмешување во борбата за едно од првите две места во групата.