Кирил Џајковски

Настап на музичкиот дел од ВОМЕКС

Македонскиот продуцент и композитор Кирил Џајковски на 30 октомври ќе настапува на годинашниот ВОМЕКС (Ворлд мјузик експо), интернационален музички проект основан во Берлин, чиј главен настан се одвива на различни локации низ европскиот континент, а учествуваат повеќе од 40 еминентни артисти од светот. Овој пат, по Берлин, Брисел, Марсеј, Стокхолм, Ротердам и други, домаќин на ВОМЕКС ќе биде Копенхаген, Данска, а ќе содржи саем и конференции. Во музичкиот дел „Шоукејс фестивал“, каде што Џајковски ќе биде придружуван од Серџук Алимов на труба, Владимир Крстев - виолина на и Ем-Си Рас Твид - вокал, ќе бидат презентирани врвни музичари, а притоа ќе се доделуваат и награди. Концертот на Кирил Џајковски во „Концертхаусет“ ќе ја промовира неговата фузија од електроника и етноелементи, но и комбинациите од вокали со брејк бит, даб и елекроритми, присутни и во неговиот нов албум, кој официјално треба да се појави низ продавниците во 2011 година.