Концерт
Стинг во Белград
Десет илјади обожаватели го проследија настапот на популарниот англиски музичар Стинг, кој завчеравечер одржа концерт во „Белградска арена“ каде што ги изведе своите добро познати хитови, но во ново руво, со аранжмани за симфониски оркестар.
Стинг настапи во придружба на 45 члена на домашниот оркестар „Камерата Сербика“, под диригентската палка на Сара Хикс, пеејќи ги хитовите на „Полис“, но и теми од својот соло-опус. Концертот траеше два и пол часа. |
