Дрога

Холанѓанка обесена во Иран

29.01.2011, 11:13

Холанѓанка со иранско потекло, која иранските власти ја уапсиле откако учествувала во антивладините протести во Иран во 2009 година, е обесена поради илегална трговија со дрога, јавија денеска иранските медиуми.

„Жената шверцер на дрога, по име Захра Бахрами денеска е обесена поради поседување и продажба на наркотици“, соопшти  иранскиот суд.

Групата Меѓународна кампања за човекови права во Иран соопшти дека ќерката на 45-годишната Бахрами тврди дека обвиненијата се измислени откако нејзината мајка била уапсена поради учество во протестите.

Иранските медиуми тврдат дека Бахрами прошверцувала  кокаин од Холандија во Иран и оти кај неа биле пронајдени 450 грама од овој наркотик.