Давос

Меркел: Ќе го браниме еврото

29.01.2011, 11:27

На Светскиот економски форум во Давос, германскиот канцелар Ангела Меркел изјави дека земјите кои се членки на евро зоната мораат да покажат дисциплина се со цел да обезбедат стабилност на заедничката валута.

Таа големиот јавен долг, поради кој Грција и Ирска мораа да побараат финансиска помош од другите земји-членки од Европската унија, го нарече „најголема опасност за просперитетот на Европа“.

„Ќе го браниме еврото, нема сомнеж за тоа“, наведе вчера Меркел.

Слична изјава во Давос даде и францускиот претседател Никола Саркози, кој рече дека „Европа никогаш нема да му сврти грб на еврото“.