Ана Курњикова

Прво дете со Енрике Иглесијас

Познатиот пејач Енрике Иглесијас и бившата тениска ѕвезда Ана Курникова, наводно, го очекуваат своето прво дете. Парот е во врска уште од 2001 година, а иако во текот на годините повеќе пати се проширија гласишта за тоа дека се свршиле, па дури и вечале, досега, тоа секогаш го демантираа.

Дека очекуваат принова, Курникова и Иглесијас, наводно, се пофалиле пред најблиските пријатели во својата вила во Мајами. Убавата Ана ги поттикнала шепотењата за бременоста и со широката облека што ја носи во последно време. Веста за тоа дали парот очекува принова, засега не е потврдена.

Курникова во 2009 година доби американско државјанство, за кое своевремено рекла: „Отсекогаш сум се сметала половина Русинка, половина Американка. Никогаш не ми беше важно дали имам американски пасош или немам“.