ФИФА листа
Катастрофален пад на Македонија од 13 места
29.06.2011, 14:39
Фудбалската репрезентација на Македонија забележа пад од дури 13. позиции на најновата ранг листа на ФИФА и падна на 98. позиција со 338 бода.
Шпанија ја задржа првата позиција пред Холандија, а на третото место се проби Германија, која е пред Англија и Бразил, кој падна на петтото место. Следат Италија, Португалија, Хрватска и Мексико кој напредуваше дури 19 места, додека листата на десетте најдобри ја затвора Аргентина.
Од 11. до 20 место рангирани се селекциите на Норвешка, Грција, Јапонија, Брегот на Слонова Коска, Франција, Црна Гора, Русија, Уругвај, Шведска, Данска.
|
