Снуп Дог

Приватна забава со 100 избрани девојки

Снуп Дог, опкружен со околу 100 жени, оваа сабота се забавуваше на фестивалот „Лондон вајрлес“, каде што по настапот организираше и интимна афтер-парти. Додека понежниот пол се забавуваше во друштво на популарниот рапер, лутите мажи стоеја пред ВИП-делот од клубот, затоа што им беше забранет влез. Имено, како што тврдат сведоците, Снуп барал гостите на неговата забава, исто како и сите вработени, да бидат од женскиот пол.

„Како и секогаш, Снуп беше во свој елемент. Цела вечер ја помина во посебна, ограничена ВИП-просторија каде што имаше најмалку 100 прекрасни жени. Имаше и огромни набилдани телохранители, кои беа зацементирани пред влезот и ги туркаа сите мажи што сакаа да влезат внатре“, кажа еден од сведоците, додавајќи дека таму немале пристап ниту келнери, туку цела ноќ го служеле само бујни девојки.

Сепак, на некои девојки не им било доволно што се од понежниот пол, па за да стигнат на приватната забава морале да ги задоволат критериумите на горилата на Снуп, кои ги одмерувале од глава до петици, одлучувајќи по сопствено видување дали се доволно убави за да бидат дел од неговото друштво. Иако на шампањ потроши повеќе од 30 илјади фунти, хип-хоп ѕвездата не уживал во реките алкохол, туку, како што тврдат, пиел само минерална вода и пушел од своите „цигари“.