„Сектор 909“ организира журка за помош на ЗОО

�� среда во клубот „Сектор 909“ ќе се одржи добротворна журка од која собраните средства ќе бидат наменети за Зоолошката градина. Се најавува журка со познати диџеи и забава до раните утрински часови. Собраните пари од влезниците и продадениот пијалак, „Сектор 909“ ќе ги донира за Зоолошката градина.

Ова, всушност, нема да биде првата добротворна акција што ја организира познатиот клуб. И минатото лето „Сектор 909“ организираше слична акција и парите што се собраа се искористија за купување пони коњче Флекица, кое веќе се наоѓа во ЗОО.

„Со парите од забавата што ќе се одржи в среда ќе се купи опрема за јавање на ова коњче пони, кое е издресирано за терапевтско јавање“, најавуваат од „Сектор 909“. (Дс.Т.)