Неделен барометар

Распеаниот доктор

Британскиот актер Хју Лари, популарниот д-р Хаус од истоимената ТВ-серија, деновиве го живее својот сон. Откако го потпиша договорот со Warner Music Entertaintmen тој е во сосема друг филм. Всушност, не е филм, туку музика. А тој ќе свири, ќе пее, којзнае - можеби и ќе продуцира...

Инспирацијата на ексцентричниот доктор е музиката од Њу Орлеанс, а со ова музичко патешествие тој ја потврдува теоријата „кој пее лошо не мисли“. Ајде да видиме. Извинете - да слушнеме.

И се запали светлото

Иако Кејт не зборува, сепак, нејзините познати велат дека не можат да ја препознаат. Погодена со Купидонова стреличка, Винслет постојано пее, очите и' светкаат вљубено - се смее, гушка, бакнува! Причината и' е добро позната на јавноста, имено актерката повторно сака, а нејзината љубов е десет години помладиот манекен Луис Довлер.По разводот Кејт беше на раб на нервно растројство, ги одбегнуваше фоторепортерите, замина на долг одмор... Темнина, горчина и тага.

Откако и' се случи Луис, и' се запали светлото во животот.

Па, кажете дека животот не е најумна работа што ни се случува!