10.11.2011, 12:23 Расте популарноста на Никола Саркози
Шест месеци пред првиот круг од претседателските избори во Франција, популарноста на актуелниот француски претседател Никола Саркози забележа досега незапаметен раст.
За само еден месец, популарноста на Никола Саркози порасна од 32 на 40 отсто, повлекувајќи го со себе и актуелниот премиер Франсоа Фијон, чија попучарност се зголеми за процентини поени на 43 отсто, соопшти политичкиот институт „ЦСА-Лес Еко“.
Сепак, мнозинството Французи, односно 56 проценти и натаму не веруваат дека претседателот Саркози може ефикасно се сооочи со главните проблеми кои стојат пред Франција.
Добивајќи осум поени на популарност за само еден месец, Саркози го забележа најголемиот пораст од почетокот на неговиот мандат, достигнувајќи го нивото од феврураи 2010 и многу далеку од март 2011 кога доверба во него имаа само 30 птроценти од испитаните Французи.
Во премиерот Фијон доверба имаат 43 отсто од Французите, 51 проценти немаат доверба, а шест отсто немаат мислење.
Кандидатот на социјалистите за претседател на Франција, Франсоа Оланд се уште во јавното мислење ужива позитивно мислење. Дури 51 отсто од испитаните се со позитивно мислење за него, што сепак претставува пад поени од пет проценти поени во споредба со анкетата од пред еден месец. Според институтот ЦСА, ова е последица на појаснувањето на политичката слика во Франција во пресрет на претседателските избори.
Популарноста на шефот на француската држава расте и според другите испитувања на јавното мислење, судејќи според анкетите објавени деновиве. Таа порасна за пет процентни поени на 37 отсто во анкетата на ЛХ2 објавена на 7 ноември и за шест поени во политичкиот барометар на „ТНС Софрес“ за „Фигаро Магазин“, каде 30 проценти од испитаниците имаат позитивно мислење за Саркози.
Саркози се уште официјално не е кандидат за претседател, но тој се однесува како да е во сред предизборна камапања со чести патувања во внатрешноста на Франција. Неговата одлука околу кандидирањето се очекува да биде соопштена на почетокот од идната година.
|
