26.04.2012, 10:09 Бесими ќе се сретне со министерот за одбрана на Германија Томас де Мезиер
Министерот за одбрана на Република Македонија Фатмир Бесими, кој престојува во официјалната посета на СР Германија, денеска ќе има средба со својот германски колега Томас де Мезиер, како и со парламентарниот државен секретар во германското Министерство за одбрана, Кристијан Шмид.
На средбите се очекува да се разменат мислења и информации во врска со претстојниот Самит на НАТО во Чикаго, процесот на реформите во министерството и во АРМ, билатералната соработка и заедничкото учество во мисиите со акцент на мисијата ИСАФ, како и за учеството во борбената група на ЕУ.
Тема на разговорите ќе бидат и проектите од рамките на регионалната соработка во кои е вклучена и Република Македонија, пред сe за можноста за искористување на капацитетите на регионалните тренинг-центри како што се Регионалниот тренинг-центар за комуникации (РТЦК), армискиот ��олигон „Криволак“ и Воено медицинскиот центар.
За време на посетата, предвидено е министерот Бесими да има средба и со членови од Комисијата за одбрана на германскиот Бундестаг.
|
