Њујорк
Цената на нафтата скоро 103 долари за барел
01.06.2011, 14:07
Цените на нафтата денеска во Азија зајакнаа на близу 103 долари за барел, како резултат на слабеењето на доларот.
Нафтата за ориентациска испорака во јули во електронското тргување на Њујоршката берза е договарана за 23 центи поскапо отколку во вторникот, по 102,93 долари за барел, откако вчера е заклучена на 102,70 долари, 2,11 долари во пораст во однос на претходниот ден.
На лондонскиот пазар ИЦЕ нафтата од типот „брент“ била во пораст шест центи, на 116,79 долари за барел.
Цените на нафтата зајакнаа во однос на нивото од 96 долари за барел од минатата седмица бидејќи послабиот долар го направи енергенсот поевтин за инвеститорите кои поседуваат други валути.
|
