Истражување и репродуцирање на архивска граѓа од македонскиот Државен архив во врска со Холокаустот и неговиот историски контекст пред, за време и по Втората светска војна е цел на договорот што денеска во Скопје ќе го потпишат Државниот архив на Македонија и Меморијалниот музеј на Холокаустот од Вашингтон, САД. Договорот за соработка во следните десет години ќе го потпишат директорот на Државниот архив, Зоран Тодоровски и директорот на Одделението за меѓународни архивски програми на Музејот во Вашингтон, Раду Јоанид.