Тунис

Македонските туристи вратени во Белград

17.01.2011, 10:24

Осум македонски туристи кои беа во Тунис, синоќа околу 21 часот со авион на ЈАТ се вратени во Белград. Туристите, според информациите на Министерството за надворешни работи, се во добра здравствена состојба. Истите биле пречекани од страна на македонскиот конзул во Србија.

Од високи претставници на српското Министерството за внатрешни работи бил ветен брз трансфер на македонските патници од Тунис преку Белград кон Македонија.

По немирите и падот на владата во Тунис, вкупно петнаесетина македонски државјани беа заглавени во државата. Преостанатите Македонци се очекува да се вратат во наредните денови.

Со лет кој е закажан за попладнево, српските туристи кои сеуште се наоѓаат во Тунис ќе имаат можност денеска да се вратат во Србија.

Синоќа во Белград со првиот лет за евакуација од Тунис допатуваа 125 патници. Српскиот помошник-министер за надворешни работи Здравко Понош најави дека вториот авион ќе пристигне во три часот во градот Моностир.