Генетски жени

Пораснале како мажи

Појавата на сексуална (полова) реверзија не е честа, но, сепак, постои можност генетската жена да се развива како маж или генетскиот маж да се развива како жена

Двајца полнолетни браќа и нивниот чичко во Велика Британија ги имаат сите изгледи да бидат нормални мажи, но генетски се жени со два Х-полови хромозоми.

Двајцата браќа се во брак (со жени) и двајцата, како и нивниот роднина, ги имаат сите одлики на мажи: сексуална анатомија, однесување, раст и развој на скелетот на маж. Сите имаат нормално здравје и интелигенција, но сите тројца не можат да произведуваат сперма. Кога браќата реагирале со болка на тестостеронската замена, нивните тестиси се отстрането и заменети со козметички протези.

Генетските тестови покажале дека и ним и на нивниот чичко им недостасува по еден У-полов хромозом. Наместо тоа, тие имале два Х-полови хромозоми карактеристични за жените. Мажите имаат нормално еден Х и еден У-полов хромозом.

Што се случило? Во текот на нормалниот развој на мажите, У-хромозомот предизвикува поплава на гени и интеракции, со кои управува генот СОХ9. Кога тој ќе се активира, развојот на мажот продолжува, дури и во отсуство на У-хромозомот. Овие тројца мажи го наследиле дуплирањето во ДНК - секвенцата, а тоа го предизвикало генот СОХ9 и ги превртело нивните сексуални особини и судбини (реверзија на полот).

Овој необичен случај, генетичарот Џејмс Кокс и неговите колеги од универзитетот во Кембриџ, го објавиле во англискиот медицински магазин.

Појавата на сексуална (полова) реверзија не е честа, но, сепак, постои можност генетската жена да се развива како маж или генетскиот маж да се развива како жена. Сексуалната (полова) одреденост на некоја личност е сложен процес, кој може да тргне наопаку во разни фази од раниот развој на личноста.

Замената на ХУ-половите хромозоми на женскиот и ХХ-половите хромозоми кај машкиот пол, се јавува многу ретко - еден случај во околу 20.000 живородени лица.

Помалку комплетна замена на полот, позната како нарушување на сексуалниот развој ДСДЦ, делумно е резултат на несогласување меѓу генетската сексуална одреденост и „секундарните“ сексуални карактеристики, кој ја одредуваат личноста како машко или женско.