„Ленка“
Застарените долгови не можат да се наплаќаат
07.07.2011, 13:55
Од движењето за социјална правда „Ленка“ денеска информираат дека сите случаи кај кои граѓаните во минатото биле тужени за неплатени сметки за телефон, струја, вода, парно и слично, а каде што правото на присилна наплата е стекнато пред 1. јули 2008. година, настапена е застареност.
Како што се вели во соопштението од „Ленка“ од 1. јули оваа година на сила стапија измените на Законот за извршување, со кои се предвидува предрлање на илјадници судски предмети во рацете на извршителите.
Од движењето велат дека на правно неупатените граѓани никој не ги информира за измените, и ги повикуваат сите кои биле тужени за вакво побарување да по��несат приговори до основните судови каде се водат нивните предмети.
Доколку и покрај тоа дојде до присилна наплата воопшто да не се двоумат да поднесат тужба за оштета против конкретниот извршител.
|
