Линдзи Лохан
Фотосесија во домашен притвор
Во новиот број на италијанското издание на магазинот „Венити фер“ османаа фотографиите на Линдзи Лохан во домашен притвор, а е објавено и ексклузивно интервју со неа.
Со руса коса, во златен фустан, потпрена на голема кадифена мечка, со раката префрлена врз златна реплика на човечки череп, Линдзи Лохан позирала за италијанскиот „Венити фер“.
Освен снимањето на низа провокативни фотографии, актерката дала и ексклузивно интервју, во кое открила дека затворската казна што ја отслужила ја смета за неоправедна. „Не гледам зошто беше неопходно да одам в затвор кога не повредив никого, освен себе“, рекла Линдзи.
Линдзи во минатиот викенд го прослави својот 25. роденден, на мирна вечера со сестрите и со пријателите. Таа најавила дека ќе се врати на својата работа во октомври, а до тогаш ќе се посвети на општествено корисната работа и ќе посетува психолог. |
