(ФОТО) Двајца повредени во масовна тепачка пред „Мавровка“

ФОТО: Петр Стојановски

Двајца Црногорци се повредени во масовна тепачка пред трговскиот центар „Мавровка“ во Скопје. Според првичните информации добиени од нападнатите момчиња од Подгорица, кои се хоспитализирани во Градаката болница, тие негде околу пладне биле нападнати од голема група во близина на Бит Пазар. Зголеменото полициско обезбедување на местото на инцидентот ги вознемири граѓаните. Инцидентот се случува по најавите за нереди пред фудбалскиот натпреват Македонија – Србија и доаѓањето на српските навивачи во Скопје. Двајцата нападнати тврделе дека ��е се дојдени во земјава поради натпреварот. Полицијата ги истражува причините за инцидентот.

Тепачката се случила околу 12.30 часот, кога поголема група ги нападнала 29-годишниот М.М. и 17-годишниот С.Ѓ. од Подгорица. Првата пријава дека нешто се случува кај „Мавровка“ стигнала еден час подоцна на бројот 192.

„Полицијата веднаш излезе на терен, но не утрдила дека нешто се случува кај трговскиот центар. Дури подоцна од Градската болница „Свети Наум Охридски“ е пријавено дека неколку повредени лица“, велат од МВР. Полицијата трага по напаѓачите. (Д.Т.)