ИОК
Истанбул кандидат за домаќин на ЛОИ 2020
08.07.2011, 16:28
Истанбул петти пат ќе се обиде да ја добие организацијата на Олимписките игри, откако денеска потврди дека ќе се кандидира за улогата на домаќин на Летните олимписки игри во 2020 година, соопшти денеска претставникот на Меѓународниот олимписки комитет (ИОК), Ричард Карион.
Истанбул е вториот град по Рим кој најави кандидатура за организација на ЛОИ 2020, а рокот за поднесување на официјалните пријави е 1 септември.
Меѓу заинтересираните градови се и Мадрид, кој на изборите за организација на ЛОИ 2016 година изгуби од Рио де Жанеиро, а се спомнува и Токио.
Јужноафриканскиот град Дурбан е меѓу можните кандидати и покрај тоа што Владата претходно ја одби так��ата идеја.
Одлуката за град домаќин на ЛОИ 2020 ќе биде донесена во 2014 година.
Во средата ИОК го избра јужнокорејскиот град Пјонгчанг за домаќин на Зимските олимписки игри што ќе се одржат во 2018 година.
Пјонгчанг беше избран уште во првиот круг на гласање на заседанието на ИОК во Дурбан. Кандидати за домќаин на Зимската олимпијада во 2018-та беа и францускиот град Анеси и германскиот Минхен.
Следните Зимските олимписки игри ќе се одржат во 2014 година во рускиот град Сочи
|
