Жените во Северна Кореја ќе можат да возат велосипед, носат фармери и високи потпетици

Севернокорејските власти оваа забрана ја воведоа за време на владеењето на поранешниот лидер Ким Џонг-ил

Севернокорејските власти ја укинаа забраната, воведена во ’90-те години од минатиот век, со која на жените не им беше дозволено да возат велосипед, јавија јужнокорејските медиуми.

Севернокорејските власти оваа забрана ја воведоа за време на владеењето на поранешниот лидер Ким Џонг-ил. Според некои информации причина за воведувањето на ваквата забрана е смртта на ќерка на висок воен функционер, која починала, откако била удрена со автомобил додека возела велосипед во центарот на Пјонгјанг.

По инцидентот во главниот град беа изградени специјални велосипедски патеки, а на граѓаните им беше наредено да ги регистрираат своите велосипеди, а во спротивно треба да платат казна. Во медиумите се појаснуваше дека возењето велосипед за припадничките на понежниот пол, кои носат здолништа, не е морално согласно нормите на социјалистичкото општество.

На почетокот на 21. век оваа забрана не се почитуваше толку строго, но властите сепак повремено правеа проверки.

По доаѓањето на власта на синот на Ким Џонг-ил, Ким Џонг-ун беа укинати и други забрани, како на пример забраните за носење фармерки, обекти, чевли со високи потпетици или со висока платформа.