Сонцето е опкружено со темна материја

Прв теоријата дека Сонцето е опкружено со темна материја ја изнесе швајцарскиот астроном Фриц Звики во 30-те години од минатиот век

Научниците тврдат дека се 99 проценти сигурни оти Сонцето е опкружено со темна материја, теорија која ја прв ја изнесе швајцарскиот астроном Фриц Звики, во 30-те години од минатиот век.

Звики сметал дека јатата галаксии се исполнети со мистериозна темна материја, која ги држи заедно. Во тоа време Јан Орт од Холандија открил дека густината на материјата околу Сонцето е речиси двојно поголема, што може да се објасни со самото присуство на ѕвезди и гас.

Меѓутоа дури и денес не е познато дали таа темна материја навистина постои. Сега меѓународен тим, предводен од изтражувачи од Универзитетот во Цирих, разви нова теорија и направи симулација на Млечниот пат за да го испита својот метод заснован на мерење на масата.

Тие откртиле дека техниките, користени во изминатите 20 години биле еднострани и биле насочени кон тоа да ја потценуваат количината на темната материја во универзумот.

Научниците развиле нова техника, која ја примениле на позициите и брзината на илјадници портокалови џуџести ѕвезди од типот К, близу Сонцето и добиле нови мерки за густина на локалната темна материја.

- Доколку темната материја е основна честичка, милијарди такви честички ќе минат низ вашето тело додека завршите со читање на овој напис, изјави коавторот на студијата Џорџ Лејк.