„Форд Индија“ повлекува 111.000 возила поради неисправни делови

„Форд Индија“, индиската филијала на американскиот производител на автомобили „Форд“, денеска соопшти дека повлекува најмалку 111.000 возила поради проверка и замена на неисправните делови кои можат да предизвикаат дефект или пожар.

Во соопштението се наведува дека потребна е проверка на моделите „Фиго“ и „Класик седан“ кои се произведени во периодот меѓу јануари 2008 и февруари 2011 година.

„Форд“ истакнува дека во „доброволната и превентивна“ акција ќе бидат сменети цревата кои би спречиле евентуално истекување на горивото, што во „најлош случај“ би можело да предизвика пожар.