Раст на девизните резерви за 15,7 отсто

Државните девизни резерви во јули годинава се поголеми за 15,7 отсто од истиот месец лани. Девизните бруто-резерви во јули годинава на годишно ниво изнесувале 2,096 милијарди евра наспроти 1,811 милијарди евра во јули минатата година. На месечно ниво, јули во однос на јуни годинава растот изнесува 3,8 отсто.

Македонските девизни резерви во најголема мера се чуваат во хартии од вредност (1,386 милијарди евра), потоа во монетарно злато (289 милиони евра) и во валути и депозити (177 милиони евра).

Покриеноста на увозот со девизните резерви во 2011 година изнесуваше 4,5 месеци. Истиот износ важи и за 2010 година, додека тој во 2009 изнесуваше 4,7 месеци. Според препораките на ММФ, земјите треба да имаат девизни резерви што покриваат минимум шестмесечен увоз. (Ек.Р.)