Локализирани пожарите кај Радуша и Кучково

Дирекцијата за заштита и спасување денеска соопшти дека под контрола е ставен пожарот кај село Радуша, општина Сарај, а на терен дежураат екипи од две возила и три лица од противпожарната бригада.

Локализиран е и пожарот кај село Кучково, општина Ѓорче Петров.

Авионите на Дирекцијата за заштита и спасување во моментот не дејствуваат, се подвлекува во соопштението, но се спремни доколку има потреба.

Дирекцијата за заштита и спасување нема мобилизирано сили, но будно ја следи ситуацијата на целата територија на Република Македонија преку своите 35 подрачни одделенија.