Француските војници заминуват од Авганистан

Повлекувањето на француските војници од ИСАФ ќе се спроведе согласно претхоно прифатените планови, потврди францускиот претседател Франсоа Оланд.

- До 31 август во татковината ќе се вратат 650 војници, изјави тој и додаде, дека до крајот на годината ќе бидат повлечени вкупно 2.000 војници од мисијата.

Според претседателот Оланд, Франција смета дека мисијата во Авганистан е завршена.

- Имавме една цел да им обезбедиме на Авганистанците да ја вратат власта над сопствената судбина. Таа мисија сега е исполнета, нагласи Оланд.

Со тоа, Оланд исполни предизборно ветување дека до крајот на годината ќе бидат повлечени од Авганистан сит�� војници од францускиот контигент.

- Во 2013 година во Авганистан ќе останат само околу 1.400 војници од Франција кои ќе учествуваат во невоена мисија - обука на авганистански војници и соработка со авганистанската армија при одржување на безбедноста во државата, прецизира Оланд.